ޤާނޫނު އަސާސީގެ 115 ވަނަ މާއްދާ ގެ ބޭނުން ހިއްޕަވައި މިނިވަން ތަޙްޤީޤީ ކޮމެޓީއެއް ރ.ޖ އުފެއްދެވުން މުހިންމު
(ވަޠަނީ ޚިޔާލު)
ދިވެހިރާއްޖޭގައި ވެސް ކަން އޮތީ
މި ގޮތަށެވެ. 2021 މޭ މަހުގެ 06 ވަނަ ދުވަހުގެރޭ
ރައީސް މުހައްމަދު ނަޝީދަށް ދެވުނު ޓެރަރިސްޓް ހަމަލާއަކީ ހަމަ މިދެންނެވި ބާވަތުގެ
ހާދިސާއެކެވެ. އެމަނިކުފާނުގެ ސަލާމަތީ ކަންތައް ބެލެހެއްޓުގެ ޤާނޫނީ ޒިންމާ މަތިކޮށްފައިވަނީ
ދިވެހި ސިފައިންނާ ކަމަށް ވީ ހިނދު، އެއީ ދިވެހިރާއްޖޭގެ އާރމީ އެވެ. ނުވަތަ އަޅުގަނޑުމެންގެ
މުލައްދަނޑިއެވެ. އެންމެ ކުޑަކުއްޖާއަށް ވެސް އެނގޭ ހަޤީޤަތަކީ ރައީސް ނަޝީދަށް އެވަރުގެ
ހަމަލާއެއް ދިން ބަޔަކަށް، އެމަނިކުފާނު
އަވަހާރަކޮށްނުލެވުނެއްކަމަކު، އެކަމުގައި ކާމިޔާބު އެވީ ކޮންމެވެސް
ބަޔަކު ފެއިލް ވެގެންކަމެވެ.
ދެން އަވަސްވެގަންނަންވީ ގަޢުމުގެ އާރމީ އާމެދު އިތުބާރު ދެމެހެއްޓުމަށްޓަކާ ކަންކަން ފޮރުވުމަކަށް ނޫނެވެ. ކަން ހިނގާދިޔަގޮތް މިނިވްނަކްމާއި، ދެފުށްފެންނަ ގޮތަށް އިންސާފުވެރިކަމާއެކު ބަލާ އިސްލާހީ
ފިޔަވަޅުތައް އަޅާ ދިވެހި ސިފައިނަށް އިތުބާރު ލިބިގަތުމެވެ. މިކަން ކުރެވޭނޭ އެންމެ
ބާރުވެރި ފަރާތަކީ ރައީސުލްޖުމްހޫރިއްޔާ އެވެ. ސިފައިންގެ އަބުރާ އިއްޒަތް ނަގަހައްޓައި
ދެމެހެއްޓުމުގެ
އެންމެ މަތީ ޒިންމާ ވެސް އޮތީ އެމަނިކުފާނުގެ އިސްތަށިފުޅުގައެވެ.
މަރުކޮމިޝަނާއި އެސެޓް ރިކަވަރީ
ކޮމިޝަނަކީ ރައީސް ސޯލިޙްގެ ވެރިކަމުގެ ދައުރުގެ
ކުރީން ހިނގާފައިހުރި ކަންކަން ބެލުމަށް އުފެއްދި ކޮމިޝަންތަކެކެވެ. އެހެނަސް ޤާނޫނު އަސާސީގެ 115 ވަނަ މާއްދާގެ ފުރިހަމަ މާނާގައި
"މިނިވަން ތަޙްޤީޤީ ކޮމެޓީއެއް" އެ
މާއްދާގެ
ދަށުން އެކުލަވާލަން ޖެހޭ ޙާދިސާ އަކީ ރައީސް ނަޝީދަށް ދިން ޓެރަރިސްޓް ހަމަލާއެވެ. މިފަދަ މިނިވަން ކޮމެޓީގެ މެމްބަރުންގެ
ގޮތުގައި ރައީސް ނަޝީދުގެ ފަރާތްޕުޅުން މަންދޫބަކާއި ބޭރުގެ މާހިރުންވެސް ހިމެނުއްވުން ބުއްދިވެރިއެވެ. އެއީ ފުލުހުންނަށް އިތުބާރު ނުކުރާތީއެއް
ނޫނެވެ. އެއީ ސަރުކާރުގެ އިދާރާތަކުން ކުރާ ތަޙްޤީޤަކަށް ވުރެ މިނިވަން ތަހުޤީޤެއްގެ
ގޮތުގައި އާންމު ރައްޔިތުން ބަލައިގަންނާނެތީއެވެ. މިއީކީ އިންޓެލިޖެންސް
އޯޑިޓްކުރުމެއްވެސް ނޫނެވެ. މިއީ ސީދާ މުޅި ހާދިސާގެ މައްޗަށް
ހިންގޭނޭ ތަޙުޤީޤެކެވެ.
Comments
Post a Comment